ਪ੍ਰਿਥਵੀ ਸ਼ਾਅ ਤੋਂ ਸ਼ੁਭਮਨ ਗਿੱਲ ਤੱਕ... ਅੰਡਰ-19 ਦੇ ਇਸ ਸਿਤਾਰੇ ਨੇ ਕਿਵੇਂ ਬਣਾਇਆ ਕਰੋੜਾਂ ਦਾ ਸਾਮਰਾਜ?

ਸਾਲ 2018 ਵਿੱਚ ਪ੍ਰਿਥਵੀ ਸ਼ਾਅ ਦੀ ਕਪਤਾਨੀ ਹੇਠ ਭਾਰਤ ਨੇ ਅੰਡਰ-19 ਵਰਲਡ ਕੱਪ ਜਿੱਤਿਆ ਤਾਂ ਹਰ ਕਿਸੇ ਦੀਆਂ ਨਜ਼ਰਾਂ ਸ਼ਾਅ 'ਤੇ ਟਿਕੀਆਂ ਹੋਈਆਂ ਸਨ। ਮੰਨਿਆ ਜਾ ਰਿਹਾ ਸੀ ਕਿ ਭਾਰਤੀ ਕ੍ਰਿਕਟ ਨੂੰ ਆਪਣਾ ਅਗਲਾ ਵੱਡਾ ਸਿਤਾਰਾ ਮਿਲ ਗਿਆ ਹੈ, ਪਰ ਸਮੇਂ ਦੇ ਨਾਲ ਕਹਾਣੀ ਹੀ ਬਦਲ ਗਈ ਅਤੇ ਉਸੇ ਟੀਮ ਵਿੱਚੋਂ ਸ਼ੁਭਮਨ ਗਿੱਲ ਨੇ ਅਜਿਹਾ ਉਭਾਰ ਲਿਆ ਕਿ ਅੱਜ ਉਹ ਟੀਮ ਇੰਡੀਆ ਦੇ ਸਭ ਤੋਂ ਚਰਚਿਤ ਅਤੇ ਸਟਾਈਲਿਸ਼ ਕ੍ਰਿਕਟਰਾਂ ਵਿੱਚ ਸ਼ੁਮਾਰ ਹੁੰਦੇ ਹਨ।

ਅੰਡਰ-19 ਤੋਂ ਸ਼ੁਰੂ ਹੋਇਆ ਗਿੱਲ ਦਾ ਸਫ਼ਰ ਟੀਮ ਇੰਡੀਆ ਵਿੱਚ ਜਗ੍ਹਾ ਬਣਾਉਣ, ਆਪਣੀ ਬੱਲੇਬਾਜ਼ੀ ਦੀ ਛਾਪ ਛੱਡਣ ਅਤੇ ਫਿਰ ਟੈਸਟ ਤੇ ਵਨਡੇ ਟੀਮ ਦੀ ਕਪਤਾਨੀ ਤੱਕ ਪਹੁੰਚ ਗਿਆ ਹੈ। ਜਿਵੇਂ-ਜਿਵੇਂ ਕ੍ਰਿਕਟ ਵਿੱਚ ਗਿੱਲ ਦਾ ਕੱਦ ਵਧਿਆ, ਉਸੇ ਤਰ੍ਹਾਂ ਉਨ੍ਹਾਂ ਦੀ ਕਮਾਈ ਅਤੇ ਲਗਜ਼ਰੀ ਲਾਈਫਸਟਾਈਲ ਵੀ ਚਰਚਾ ਵਿੱਚ ਆ ਗਈ। ਰਿਪੋਰਟਾਂ ਮੁਤਾਬਕ ਗਿੱਲ ਦੀ ਨੈੱਟਵਰਥ ਕਰੀਬ 35 ਤੋਂ 40 ਕਰੋੜ ਰੁਪਏ ਦੱਸੀ ਜਾਂਦੀ ਹੈ। ਉਨ੍ਹਾਂ ਦੀ ਕਮਾਈ ਦਾ ਵੱਡਾ ਹਿੱਸਾ ਬੀਸੀਸੀਆਈ, ਆਈਪੀਐਲ ਅਤੇ ਮੈਚ ਫੀਸ ਤੋਂ ਆਉਂਦਾ ਹੈ, ਜਦਕਿ ਕਈ ਵੱਡੇ ਬ੍ਰਾਂਡਾਂ ਦੀ ਐਂਡੋਰਸਮੈਂਟ ਵੀ ਉਨ੍ਹਾਂ ਦੀ ਆਮਦਨ ਨੂੰ ਕਾਫ਼ੀ ਵਧਾਉਂਦੀ ਹੈ। ਗਿੱਲ ਕੋਲ ਪੰਜਾਬ ਵਿੱਚ ਇੱਕ ਸ਼ਾਨਦਾਰ ਵਿਲਾ ਹੈ, ਜਿਸ ਦੀਆਂ ਤਸਵੀਰਾਂ ਉਹ ਸੋਸ਼ਲ ਮੀਡੀਆ 'ਤੇ ਸਾਂਝੀਆਂ ਕਰ ਚੁੱਕੇ ਹਨ। ਇਸ ਤੋਂ ਇਲਾਵਾ ਮੁੰਬਈ ਦੇ ਜੂਹੂ ਇਲਾਕੇ ਵਿੱਚ ਵੀ ਉਨ੍ਹਾਂ ਦੀ ਇੱਕ ਲਗਜ਼ਰੀ ਪ੍ਰਾਪਰਟੀ ਹੋਣ ਦੀਆਂ ਰਿਪੋਰਟਾਂ ਹਨ, ਜਿਸ ਦੀ ਕੀਮਤ 20 ਤੋਂ 25 ਕਰੋੜ ਰੁਪਏ ਦੇ ਕਰੀਬ ਦੱਸੀ ਜਾਂਦੀ ਹੈ। ਗਿੱਲ ਦਾ ਕਾਰਾਂ ਦਾ ਸ਼ੌਕ ਵੀ ਕਿਸੇ ਤੋਂ ਲੁਕਿਆ ਨਹੀਂ-ਉਨ੍ਹਾਂ ਦੇ ਗੈਰਾਜ ਵਿੱਚ ਮਰਸਿਡੀਜ਼ ਅਤੇ ਰੇਂਜ ਰੋਵਰ ਵਰਗੀਆਂ ਲਗਜ਼ਰੀ ਗੱਡੀਆਂ ਹੋਣ ਦੀ ਜਾਣਕਾਰੀ ਸਾਹਮਣੇ ਆਉਂਦੀ ਰਹੀ ਹੈ। ਕ੍ਰਿਕਟ ਦੇ ਨਾਲ-ਨਾਲ ਗਿੱਲ ਦਾ ਫੈਸ਼ਨ ਸੈਂਸ ਵੀ ਸਮੇਂ ਦੇ ਨਾਲ ਕਾਫ਼ੀ ਚਰਚਿਤ ਹੋਇਆ ਹੈ। ਮਹਿੰਗੀਆਂ ਘੜੀਆਂ, ਪ੍ਰੀਮੀਅਮ ਬ੍ਰਾਂਡਾਂ ਦੇ ਕੱਪੜੇ ਅਤੇ ਸ਼ਾਨਦਾਰ ਲੁੱਕ ਕਾਰਨ ਉਨ੍ਹਾਂ ਨੂੰ ਅੱਜ ਭਾਰਤ ਦੇ ਸਭ ਤੋਂ ਸਟਾਈਲਿਸ਼ ਕ੍ਰਿਕਟਰਾਂ ਵਿੱਚ ਗਿਣਿਆ ਜਾਂਦਾ ਹੈ। ਯਾਨੀ ਜਿਸ ਖਿਡਾਰੀ ਨੇ 2018 ਵਿੱਚ ਅੰਡਰ-19 ਵਿਸ਼ਵ ਕੱਪ ਤੋਂ ਆਪਣੇ ਸਫ਼ਰ ਦੀ ਸ਼ੁਰੂਆਤ ਕੀਤੀ ਸੀ, ਉਹ ਅੱਜ ਕ੍ਰਿਕਟ ਦੇ ਮੈਦਾਨ ਤੋਂ ਲੈ ਕੇ ਕਰੋੜਾਂ ਦੀ ਦੌਲਤ ਅਤੇ ਲਗਜ਼ਰੀ ਲਾਈਫਸਟਾਈਲ ਤੱਕ ਆਪਣੀ ਵੱਖਰੀ ਪਛਾਣ ਬਣਾ ਚੁੱਕਾ ਹੈ।